Məmmədov Akif Güləli oğlu

Pedaqogika elmləri namizədi, 1975-ci ildə Azərbaycan Pedaqoji Universitetinin filologiya fakültəsini fərqlənmə diplomu ilə bitirmişdir. 1997-ci ildən BSU MLK-da işləyir.
975-ci ildə Azərbaycan Pedaqoji Universitetinin filologiya fakültəsini fərqlənmə diplomu ilə bitirərək orta məktəbdə Azərbaycan dili və ədəbiyyat müəllimi ixtisasına yiyələnmişdir. 1987- ci ildə pedaqoji elmlər namizədi alimlik dərəcəsi almışdır. Uzun müddət Azərbaycan Respublikası Təhsil Nazirliyinin “Azərbaycan dili və ədəbiyyat tədrisi” jurnalında şöbə müdiri işləmişdir, BSU Azərbaycan dili və onun tədrisi metodikası kafedrasının müəllimidir. Eyni zamanda, BSU MLK-nın Azərbaycan dili və ədəbiyyat müəllimidir. Çoxlu sayda elmi-metodiki kitabların və məqalələrin müəllifidir.

Carçıyeva İlahə Maksim qızı

Filologiya elmləri namizədi, 1986-cı ildə M.F.Axundov adına APRDƏİ-ni fərqlənmə diplomu ilə bitirmişdir. Bakı Slavyan Universitetinin rus ədəbiyyatı tarixi kafedrasının dosenti, BSU MLK-nın rus dili və ədəbiyyatı metodbirləşməsinin sədridir. Bir neçə elmi nəşrlərin, orta və ali məktəblər üçün dərslik və dərs vəsaitlərinin, 50-dən çox məqalənin müəllifidir.
E-mail: ilaha2008@mail.ru

Məmmədov İbrahim İsmayıl oğlu

Pedaqoji elmlər namizədi, 1970-ci ildə ADPU-nun coğrafiya fakültəsin bitirmişdir. 1999-cu ildən BSU MLK-da işləyir.
1998-ci ildən Azərbaycan ETPEİ-nin “Tarix və coğrafiyanın tədrisi metodikası“ şöbəsində aparıcı elmi işçi vəzifəsində çalışır.
İbrahim Məmmədov respublikanın tanınmış ziyalılarından biri kimi bu günü də gənclərimizin təlim və tərbiyəsinin yaxşılaşdırılması işində fəal iştirak edir. Bir sıra ali məktəblərdə tədrislə məşğuldur. O eyni zamanda elmi-tədqiqat işlərini uğurla davam etdirir.

Fəttayev Fəttah Müştəba oğlu
Fizika-riyaziyyat metodbirləşməsinin sədri.

1992-ci ildə Azərbaycan Pedaqoji Universitetini fərqlənmə diplomu ilə bitirmişdir. 1998-ci ildə ABPK İA və YH institutunu bitirərək ikinci ali təhsilini almışdır. 1997-ci ildən BSU MLK-da riyaziyyat müəllimi işləyir, riyaziyyat-informatika metodbirləşməsinin rəhbəridir.
7 kitab, 40-dan artiq elmi, publisistik məqalənin müəllifidir.
E-mail: fattah@mail.ru

CəfərovaTünzalə Vaqif qızı
Xarici dillər metodbirləşməsinin sədri.

2001-ci ildə ADDU-nu bitirib və həmin ildən BSU MLK-da ingilis dili müəllimi işləyir. 2008-ci ildə magistr təhsili alıb. Hal-hazırda Bakı Slavyan Universitetinin Roman-German kafedrasında və BSU MMLK-da ingilis dili müəllimi vəzifəsində işləyir, metodbirləşmə sədridir. 2008-ci ildə “Demokratiya müzakirələri” -DİD layihəsində uğur qazandığı üçün ABŞ-ın Vaşinqton DC-şəhərində müəllim mübadiləsində olub və sertifikat qazanıb. Böyük Britaniyada “Etto” layihəsinin qalibi olub. Həmçinin AzETA -nın üzvü, konfranslarının iştirakçısı və qalibidir. Bundan başqa Azərbaycan Respublikası Təhsil Nazirliyində qiymətləndirmə üzrə ekspertdir. “Hədəf” kursları və Bakı Slavyan Universiteti Məktəb-Lisey Kompleksinin hazırladığı kitabların rəyçisi, bir çox məqalələrin müəllifidir. Azərbaycan Respublikasının Prezidenti İlham Əliyevin sərəncamına əsasən 2010-cu ilin “100 ən yaxşı müəllim” müsabiqəsinin qalibi olub.

Rüstəmova Gülnar Voroşil qızı

1996-cı ildə N. Tusi adına Azərbaycan Dövlət Pedaqoji Universitetini bitirib.1997-ci ildən Bakı Slavyan Universiteti Məktəb-Lisey Kompleksində biologiya müəllimi işləyir. 2005-ci ildə “Pedaqoji mühazirələr”in respublika turunda birinci dərəcəli diploma layiq görülüb. Uşaq haqlarının öyrənilməsi, müdafiəsi və təbliği sahəsində UNİCEF təşkilatının dəstəyi ilə dövlət, beynəlxalq və Milli QHT-lərin təşkil etdiyi bir sıra treninqlər, seminarlar, müzakirələr, uşaq problemləri üzrə dövlət və icma səviyyəsində məlumatlandırma və maarifləndirmə işində yaxından iştirak edib. 26 sentyabr 2008-ci ildə keçirilən Azərbaycan qadınlarının III qurultayının nümayəndəsi olub. Azərbaycan Respublikası Prezidentinin sərəncamı ilə həyata keçirilən 2005-2008-ci illər üçün “Elektron Azərbaycan” Dövlət Proqramı, sonradan "Elektron hökumət"in  formalaşdırılması üzrə 2008-2012-ci illər üçün tədbirlər planı çərçivəsində BMT-nin İnkişaf Proqramı dəstəyi ilə həyata keçirilən “Milli E-İdarəçilik” Layihəsinin iştirakçısı olub. Azərbaycan Respublikasının Prezidenti İlham Əliyevin sərəncamına əsasən 2010-cu ilin “100 ən yaxşı müəllim” müsabiqəsinin qalibi olub.

Abdullayeva Vəfa Abdulla qızı

2000-ci ildə Naxçıvan Dövlət Universitetini bitirib. Ali təhsilini başa vurduğu ildən pedaqoji fəaliyyətə başlayıb. 2004-cü ildən AzETA-nın (Azərbaycan İngilis Dili Müəllimləri Birliyi ) üzvü və ingilis dili müəllimlərinin təlimi  üzrə  kordinatordur. 2005-ci ildən etibarən müntəzəm olaraq treninqlərdə iştirak edib, beynəlxalq və regional konfranslarda, təqdimatlarla çıxış edir və əldə etdiyi təcrübələri respublikamizın  kənd, rayon və Bakı şəhəri üzrə ingilis dili müəllimləri ilə təlimlər vasitəsilə bölüşür. 2008-2009-cu tədris ilində prezidentin sərəncamına əsasən respublika üzrə keçirilmiş “Ən yaxşı müəllim” müsabiqəsinin qalibidir. 2009-cu ildə İngiltərədə “Humanising Testing” adı altında test tapşırıqlarının beynəlxalq səviyyədə hazırlanması və təşkilinə dair  təlim kursu keçib. Hal-hazırda Bakı Slavyan Universiteti Məktəb-Lisey Kompleksində və “Lingvo” test hazırlığı və dil mərkəzində ingilis dili müəllimi kimi işləyir.

Həsənov Oktay Mail oğlu

1981-ci ildə Kirov adına Azərbaycan Dövlət Universitetinin fizika fakültəsini bitirmişdir. 1992-ci ildə namizədlik dissertasiyası müdafiə etmişdir. Fizika dərslikləri və dərs vəsaitlərinin korrektor və tərcüməçisidir. Fizika və astronomiya dərsliklərinə rəyçidir. 2002-ci ildən metodbirləşmə sədridir. 14 elmi konfransın iştirakçısı, 20-dən çox elmi əsərin müəllifidir. Fizika üzrə milli kolleqium komissiyasının üzvüdür.

Cəbrayılov Nəriman İsrafil oğlu

1997-ci ildə təhsilini Türkiyədə bitirdikdən sonra Quba Özəl Türk Liseyində, Şirvan Özəl Türk Liseyində, “HƏDƏF” kurslarında, “ARAZ” kurslarında, Bakı Özəl   Türk Liseyində coğrafiya müəllimi və metodisti işləmişdir.
2007-ci ildə Təhsil Nazirliyi tərəfindən “Qabaqcıl təhsil işçisi” adına layiq görülmüşdür.
10-a yaxın dərs vəsaiti və test bankları nəşr olunub.
2006-2009 “ARAZ” kursları üçün yazılmış Coğrafiya dərs vəsaitinin, hazırda “HƏDƏF” kursları üçün yazılmış Coğrafiya dərs vəsaiti və test banklarının müəllifidir.